Вёска Набярэжная…

… Вілейскі раён, Мінская вобласць, Беларусь.

Шмат пачаткоўцаў дачнікаў зазіраюць на гэты сайт у пошуках прыгожай і ўтульнай вёскі для будаўніцтва утульнага доміка на прыродзе. Вы зайшлі па адрасе, у маім свіране заўсёды прызапашана нешта вельмі мілае і кранальнае.

Сёння гэта вёска Набярэжная ў Вілейскім раёне Мінскай вобласці. Выдатная маленькая вёска ў некалькі дамоў размясцілася на беразе ракі Нарач.

Прыгожы падвесны мост вядзе на супрацьлеглы бераг ракі Нарач.

Асабліваю ўвагу можна звярнуць на выключную чысціню, дагледжанасць і чароўнасць тэрыторыі вёскі Набярэжная. Гэта ўласціва для ўсёй Беларусі, асабліва для цэнтральных і заходніх раёнаў краіны.

Мост у скарбніцу беларускай культуры, прыроды і народнага побыту.

Глухмень, але ж Інтэрнэт 3G працуе шпарка.

З электрычнасцю складанасцяў няма. Казка ды і толькі.

Пакахаеце Беларусь, маці нашу.