Азярод як ён ёсць
Азяро́д — драўляная канструкцыя на сядзібе селяніна для сушкі сена ў выглядзе шэрагу вэртыкальных стоек з адтулінамі, празь якія прапушчаны жэрдкі. З абодвух бакоў для ўстойлівасьці азярод мог умацоўвацца падкосамі.
Азяроды былі найбольш распаўсюджаны на Віцебшчыне, Меншчыне, усходняй Гарадзеншчыне, паўднёва-ўсходняй Гомельшчыне і ўсходняй Берасьцейшчыне. У вышыню маглі дасягаць 10 мэтраў, па форме маглі будавацца ў выглядзе літары Г ці літары П, ці ўвогуле ў выглядзе замкнёнага чатырохкутніка. Азярод звычайна ставілі асобна ад іншых гаспадарчых пабудоваў.
Магчыма, у беларускай Вікіпедыі (адкуль я працытаваў апісанне вышэй) дапушчана недакладнасць. Там кажуць толькі пра сушку сена, на самай справе Азярод выкарыстоўваўся і для сушкi снапоў, пшаніцы, ячменю і іншых злакавых відаў.
Азярод на фота ніжэй уяўляецца вельмі вялікім, менавіта такім ён часта быў сто гадоў таму. Гэты Азярод выкарыстоўваецца як раз для сушкі снапоў, а не сена.
На фатаграфіі захаваны Азярод ля сяла Бытча, што на Барысаўшчыне. Цікаўны наступны факт, гэтую фатаграфію ў 1911-1912 гадах зрабіў вядомы фотамастак Пракудзін-Горскі, пра якога Леанід Парфёнаў зняў добры дакументальны фільм.
Яшчэ большую цікавасць уяўляе драўляны громаадвод прыбіты да плота (на пярэднім плане).
Wood Architecture by Sergey Ozerny 
Вельмі цікава глядзець на рэчы якія даўно выйшлі з ужытку, я гэткую пабудову ніколі не бачыла. Вялікі дзякуй.
Няма за што. Вывучаючы і захоўваючы гэтакія канструкцыі я ўсіх іх прымяраю да сваёй драўлянай архітэктуры.
Сяргей, асобнае дзякуй за гэтакія тэксты і фота.
Хутчэй за ўсё гэта не грамаатвод, а аснова для будучага стогу, вертыкальны стоўб вакол якога ўкладваецца сена.
На фота на самрэч здаецца нібыта ён прыбіты да плоту, але нешта я сумняваюся ў эфектыўнасці гэтай канструкцыі.
Быць можа гэтая фатаграфія не з’яўляецца дакладнай. Вельмі незразумела выглядае гэты вузел.
Дзякуй за водгук.